A Farewell Poem (Dedicated to my final year friends)


The poem is not completely original. Don’t know who was the Original Author of this peom. First half of the poem is taken from the original one, while the second half more or less describes my experience at NIT Trichy. Enjoy!

Raah dekhi thi is din ki kab se,
Jeevan ke sapne saja rakhe they kab se…
Bade utavle they yahaan se jaane ko ,
Zindagi ka agla padaav paane ko …

Par naa jane kyon… Dil mein aaj kuch aur aata hai,
Waqt ko rok lene ka jee chahta hai…
Jin baton ko lekar rote they, Aaj un par hansi aati hai,
Na jaane kyon aaj un palon ki yaad bahut aati hai…
Kaha karte they… Badi mushkil se char saal seh gaya,
Par aaj kyu lagta hai ke kuch peeche reh gaya…
Na bhoolne wali kuch yaadein reh gayi,
Yaadien jo ab jeene ka sahara ban gayi…

Meri taang ab kaun kheencha karega ,
Sirf mera sir khane kaun mera peecha karega…
Jahaan 2000 ka hisaab nahin, wahaan 2 rupay ke liye kaun ladega,
Kaun raat bhar saath jaag kar padhega…
Kaun Meri jhadu mujse pooche bina lejayega ,
Kaun mere naye naye naam banayega…
Mein ab bina matlab kis se ladoonga,
Bina topic ke kisse faalto baat karoonga…

Kaun fail hone par dilasa dilayega,
Galati se number aane par kaun gaaliyaan sunayega…
Nescafe mein Chai kis ke saath piyoonga,
Wo befikar pal ab kis ke saath jiyunga…
Aise dost kahaan milenge Jo khai mein bhi dhakka de aaye,
Par fir tumhein bachane khud bhi kood jaye…

Mere pj’s se pareshaan kaun hoga,
Mujhe trichy me radio sunte dekh hairaan kaun hoga…
Kaun kahega saale tere joke par hansi nahin aayi,
Kaun peeche se bula ke kahega.. aage dekh bhai…
Raat bhar movies ab kiske saath dekhhonga,
Kis ke saath boring lectures jheloonga…

Bina dare sachi rai dene ki himmat kaun karega,
Mere room se jaane ke baad chabi rakhne ka msg kaun karega…
Kaun mere cheezein bhool jaane ke baad treat ki maang farmayega,
Kaun kahega “Mujhe intezaar hai us din ka neta, jis din tu apni biwi kahi bhool aaega”…
Kaun meri hansi ko executive hansi bataega,
Kaun mere lunch skip karne ki baat Mom ko bataega…
Der raat mujhe phone par baat karte dekh kaun kahega “Sudhar ja Gupta”,
Kaun meri dasta sunkar kahega “Pata nahi yaar, aisa mere sath to nahi hota”…

Sholay ka spoof baith kar likhunga kiske saath,
Kaun gaane ki himmat karega mere guitar ke saath …
Kaun mujhe aayaam ke naam pe galiya sunaega,
Kaun mujhe Spiderman keh kar bulaega…
Kaun Ubuntu ki har problem mujhse puchne aaega,
Kaun mere PJ’s milne par room aakar hath jodkar jaega…

Kaun kahega, “Gupta Ji tussi Great ho,
Aisi jagah reh kar bhi abhi tak straight ho??”…
Kaun mujhe class ki ik ladki ke sath photo khichane par majboor karega,
Kaun mere ragging ke kisse mashur karega…
paglon ki tarah hansna Chetan sir ki baatien sunkar,
Funda of the Day SMS banana unki baato me se funde chunkar…

Keh do yaaro yeh din phir kab aaenge,
Jab hum apni Corporate life me busy ho jaenge…

Advertisements